پولشا گەنەرالى ۆالدەمار سكشيپچاك قازىرگى ۋاقىتتا جانە بولاشاقتا ورىن الۋى مۇمكىن ساياسي - اسكەري وقىس وقيعالاردى ساراپقا سالا كەلىپ، رەسەيگە قاتىستى بولجامىن ايتتى. ءبىراق بۇل ورىندالۋى مۇمكىن ارەكەت پە، جوق پا، ونى ۋاقىت كورسەتەدى.
پولياك گەنەرالى ۆالدەمار سكشيپچاك Wirtualna Polska باسىلىمىنا بەرگەن سۇحباتىندا بولاشاقتا رەسەي تاراپىنان اگرەسسيالىق ارەكەت ورىن الۋىن جوققا شىعارمايدى.
بۇرىنىراقتا اقش تاراپى رەسەي پولشاعا باسىپ كىرسە نەمەسە سوعىس جاريالاعان جاعدايدا باتىستان ورىستارعا يادرولىق سوققى جاساۋعا اركەز دايىن ەكەندىگىن بىلدىرگەن. ءقازىر دە بۇل ارەكەت كۇشىندە.
پولياك گەنەرالى «رەسەي ارمياسىنا پولشانىڭ قارۋلى كۇشتەرى قارسى تۇرا المايدى، ءتىپتى ورىستارعا ەۋروپا قۇرىلىعىندا قارسى كەلەتىن ءبىر ء-بىر اسكەري كۇش جوق» دەپ ەسەپتەيدى. سوندىقتان گەنەرالدىڭ ايتۋىنشا، ەل قاۋىپسىزدىگىن قامتاماسىز ەتۋ ماقساتىندا پولشا سولتۇستىك اليانس وداعىنا 1999 جىلى مۇشەلىككە كىرگەن.
–قازىرگى ۋاقىتتا ناتو ۇيىمىنىڭ اسكەرى بۇرىنعىداي ەمەس، ءالسىز. ءبىر عانا مىسال، رەسەي دونباسس اۋماعىنا كىرىپ، قىرىمدى اننەكسيالاپ العاندا ەۋروپالىقتار مەن ناتو ۇيىمىنا مۇشە ەلدەر تۇك تە ىستەي العان جوق. تەك سانكسيا سالدى. رەسمي ماسكەۋ سولتۇستىك اليانستىڭ شىعىسقا قاراي جىلجۋىن قالامايدى. ارينە، قازىرگى ۋاقىتتا پولشا تەرريتورياسىندا اقش-تىڭ ءبىرقاتار باتولونى تۇر. ءبىراق بۇل جاعدايدى كۇرت وزگەرتەدى دەگەنگە سەنۋ قيىن. جالپى ناتو ۇيىمىنا مۇشە ەلدەر سوندىقتان دا پولشانىڭ اليانس ءۇشىن ماڭىزى قانداي ەكەنىن ءتۇسىنۋ كەرەك، – دەيدى پولشا گەنەرالى ۆالدەمار سكشيپچاك.
